തിരുവനന്തപുരം; നാനോ വ്യവസായങ്ങള്‍ക്ക് മാര്‍ജിന്‍ മണി ഗ്രാന്റ് നല്‍കുന്ന
പദ്ധതി കൂടുതല്‍ ജനകീയമാക്കി സംസ്ഥാന സർക്കാർ. നിലവിലുണ്ടായിരുന്ന അനുകൂല്യം ജനങ്ങള്‍ക്ക്കൂടുതല്‍ എളുപ്പത്തില്‍ ലഭ്യമാക്കാനാണ് പുതിയ മാറ്റങ്ങൾ. അനാവശ്യ നടപടിക്രമങ്ങളോ, കാലതാമസമോ ഈ ഘട്ടത്തിൽ‌ സംരംഭകർക്ക് വെല്ലുവിളി ഉയർത്തുന്നില്ല. പദ്ധതി പ്രകാരം മാര്‍ജിന്‍ മണി ഗ്രാന്റിന് അര്‍ഹതയുള്ള ഏതാനും സംരംഭങ്ങളുടെ ലിസ്റ്റും സര്‍ക്കാര്‍ പ്രസിദ്ധീകരിച്ചിട്ടുണ്ട്.

ആദ്യ ഘട്ടത്തില്‍ ഭക്ഷ്യ സംസ്‌കരണ സംരംഭങ്ങള്‍, മറ്റു നിര്‍മ്മാണയൂണിറ്റുകള്‍. എന്നിവയ്ക്കു മാത്രമായിരുന്നു പരിഗണന. എന്നാൽ പുതിയ നയം അനുസരിച്ച് സേവന സ്ഥാപനങ്ങളേയും പുതിയതായി അര്‍ഹതാ പട്ടികയില്‍ ചേര്‍ത്തിട്ടുണ്ട്. എതെങ്കിലും വിധത്തില്‍ മൂല്യ വര്‍ധന വരുത്തുന്ന സേവന സ്ഥാപനങ്ങള്‍ ആയിരിക്കണം എന്നതാണ് നിബന്ധന. ബാങ്ക് വായ്പ എടുക്കുന്നവര്‍ക്കാണ്
നിലവില്‍ ഈ ആനുകൂല്യം ലഭിക്കുക.

10 ലക്ഷം രൂപയില്‍ താഴെ വരുന്ന പദ്ധതികള്‍ക്ക് 40 ശതമാനമാണ് ഗ്രാന്റ് നല്‍കുക. അതായത് 4 ലക്ഷം രൂപവരെ. സ്ത്രീകള്‍, പട്ടികജാതി- വര്‍ഗ സംരംഭകര്‍, അംഗപരിമിതര്‍, വിമുക്തഭടന്മാര്‍, 40 വയസ്സില്‍ താഴെയുള്ളവര്‍
എന്നിവര്‍ക്കാണ് 40 ശതമാനം എന്ന കണക്കിൽ ആനുകൂല്യം ലഭിക്കുക. പൊതു വിഭാഗത്തിന് 30 ശതമാനം ( മൂന്നുലക്ഷം) മാത്രമേ നൽകൂ.

വിശദമായ പദ്ധതി രൂപരേഖ തയാറാക്കി ക്വട്ടേഷനുകള്‍, പ്രോജക്റ്റ് റിപ്പോര്‍ട്ട്, തിരിച്ചറിയല്‍ രേഖകള്‍ എന്നിവസഹിതം താലൂക്ക് വ്യവസായ ഓഫിസിലാണ് അപേക്ഷ സമര്‍പ്പിക്കേണ്ടത്. അപേക്ഷയ്ക്ക് പ്രത്യേക ഫോര്‍മാറ്റ് ഒന്നുംതന്നെയില്ല.ജില്ലാ വ്യവസായ കേന്ദ്രം ജനറല്‍ മാനേജര്‍ ആണ് സ്ഥാപനങ്ങളുടെ അര്‍ഹത നിശ്ചയിക്കുക.

പുതിയ സംരംഭങ്ങളെയാണ് പദ്ധതിയില്‍ പരിഗണിക്കുക. ധനകാര്യ സ്ഥാപനങ്ങളിലേക്ക് വായ്പ ശുപാര്‍ശ ചെയ്യുന്നത് അസിസ്റ്റന്റ് ജില്ലാ വ്യവസായ
ഓഫിസറാണ്. വായ്പ അനുവദിക്കുന്ന മുറയ്ക്ക് സര്‍ക്കാര്‍ ഗ്രാന്റും ലഭ്യമാക്കും.
കൂടുതല്‍ വിവരങ്ങള്‍ക്ക്

www.industries.kerala.gov.in… സന്ദര്‍ശിക്കാവുന്നതാണ്

ഓസ്‌ട്രേലിയയില്‍ ആറുവര്‍ഷം മെഷീന്‍ ഓപ്പറേറ്ററായിരുന്നു ലിബിന്‍ എന്ന
ചെറുപ്പക്കാരന്‍.തിരിച്ച് നാട്ടിലെത്തിയപ്പോല്‍ ഒരു സംരംഭകനാകാന്‍ തീരുമാനിച്ചിറങ്ങി.എറണാകുളം ജില്ലയിലെ ശ്രീമൂലനഗരം എന്ന സ്ഥലത്ത് സ്വന്തം വീടിനോട് ചേര്‍ന്നാണ് ലിബിന്‍ തന്റെ സ്വപ്ന സ്ഥാപനത്തിന് തുടക്കമിട്ടത്.

പെപ്പര്‍ കോണ്‍ എന്നപേരിലാണ് ലിബിന്‍  സംരംഭം ആരംഭിച്ചത്. പക്ഷെ പെപ്പറിനുപകരം അരിപ്പൊടി ഉല്‍പ്പന്നങ്ങളാണ് വിതരണം നടത്തിയത്.പുട്ടുപൊടി. അപ്പം പൊടി, റവ തുടങ്ങിയവയാണ് പ്രധാനമായും വിതരണം നടത്തുന്നത്.പിഎംഇപിജി പദ്ധതി പ്രകാരം 25 ലക്ഷം രൂപ വായ്പയെടുത്താണ് ലിബിന്‍തുടക്കമിട്ടത്.വായ്പത്തുകയില്‍ 35% സബ്‌സിഡി കൂടി ലഭിച്ചതോടെ ആത്മവിശ്വാസം വര്‍ധിച്ചു.

1200 ചതുരശ്രയടി കെട്ടിടം, അതില്‍ അരികഴുകുന്ന മെഷീന്‍, ബ്രോയിലര്‍, വറുക്കുന്നതിനും,പൊടിക്കുന്നതിനുമുള്ള മെഷീനുകള്‍ എന്നിവ സജ്ജീകരിച്ചിരിക്കുന്നു. 18 ലക്ഷം രൂപയുടെമെഷീനുകളാണ് സ്ഥാപിച്ചത്. നാലു തൊഴിലാളികളാണ് സ്ഥാപനത്തിലുള്ളത്. ഇപ്പോള്‍ ഒരു മാസം
ശരാശരി 5 ലക്ഷം രൂപയുടെ ബിസിനസ് നടക്കുന്നുണ്ട് ഇവിടെ. ചെലവുകള്‍കഴിച്ച് രണ്ടു ലക്ഷം രൂപ തനിക്ക് വിറ്റുവരവായി ലഭിക്കുന്നവെന്ന് ലിബിന്‍ പറയുന്നു.

സംരംഭം വിജയിച്ചതിന് പിന്നില്‍ ലിബിന്റെ തന്നെ കണ്ടെത്തലുകളുണ്ട്. ഇടനിലക്കാരെ പരമാവധി ഒഴിവാക്കുക, നേരിട്ട് വിതരണം നടത്തുക, ഉത്പന്നങ്ങളില്‍ മികച്ച് ഗുണനിലവാരം,വിലകുറയ്ക്കാതെയും, കടം പ്രേത്സാഹിപ്പിക്കാതെയുമുള്ള കച്ചവടം അങ്ങനെ അധ്വാനം
ഏറെയാണ്.

ഇനിയും സ്വപ്‌നങ്ങളേറെയാണ്. കറിപൗഡറുകളും, കറിമിക്‌സുകളും നിര്‍മ്മിക്കുവാനുള്ള തയ്യാറെടുപ്പിലാണ് ലിബിന്‍. കൊവിഡ് സമയത്തും ഇത്തരം ഉത്പന്നങ്ങല്‍ക്ക് ഡിമാന്റ് കുറയില്ല എന്നതും ആത്മവിശ്വാസം വര്‍ധിപ്പിക്കുന്നുണ്ട്.

ഈ സംരംഭകന് പിന്തുണയുമായി കുടുംബവും കൂടെയുണ്ട്. ഭാര്യ ഡെബി ഇന്‍ഫോപാര്‍ക്കിലാണ് ജോലി ചെയ്യുന്നത്. 8 മാസം പ്രായമായ മകളുണ്ട്. നാട്ടിലെത്തി ചുവടുറപ്പിക്കാന്‍ ആഗ്രഹിക്കുന്ന പ്രവാസികള്‍ക്ക് ഏറെ പ്രചോദനമാണ് ഈ യുവ സംരംഭകന്‍.

രാജ്യത്ത് ചെറുകിട വ്യവസായ സംരംഭങ്ങള്‍ രജിസ്റ്റര്‍ ചെയ്യാം ഇനി കൂടുതല്‍
എളുപ്പത്തില്‍. പാന്‍ കാര്‍ഡ്, ആധാര്‍ കാര്‍ഡ്, എന്നിവ മാത്രം മതിയാകും ഇനി ലഘു സംരംഭങ്ങള്‍ രജിസ്റ്റര്‍ ചെയ്യാന്‍. ഈ നടപടികല്‍ ലഘൂകരിച്ചതോടെ ഇനി വ്യവസായ മേഖലയില്‍ പുതിയ ഉണര്‍വുണ്ടാകും എന്ന പ്രതീക്ഷയിലാണ് കേന്ദ്ര സര്‍ക്കാര്‍.

സൂക്ഷ്മ, ഇടത്തരം, ചെറുകിട സംരംഭവകുപ്പ് കൈകാര്യ ചെയ്യുന്ന കേന്ദ്രമന്ത്രി നിതിന്‍ ഗഡ്കരിയാണ് ഇക്കാര്യം പ്രഖ്യാപിച്ചത്. ഇത്തരം സംരംഭങ്ങള്‍ക്ക് രജിസ്‌ട്രേഷന് മുന്‍ഗണന ലഭിക്കുമെന്നും, ആവശ്യമായ ധനസഹായം ലഭ്യമാക്കുമെന്നും മന്ത്രി അറിയിച്ചു. ഇത്തരം സംരംഭങ്ങളില്‍ ആവശ്യമായ പരിശീലനം ലഭ്യമാക്കുന്നതിനും മന്ത്രി സര്‍ക്കാര്‍ സഹായം ഉറപ്പുനല്‍കി

തിരുവനന്തപുരം; സംസ്ഥാനത്ത് സ്റ്റാര്‍ട്ടപ്പ് പദ്ധതികളെ പ്രോത്സാഹിക്കാന്‍ വായ്പാ
പദ്ധതിയുമായി കെ എസ് ഐഡിസി. സ്റ്റാര്‍ട്ട് അപ്പ് കമ്പനികള്‍ക്ക് സീഡ് ഫണ്ട് ആയി 25 ലക്ഷം രൂപവരെയാണ് വായ്പ നല്‍കുക. വായ്പകള്‍ക്കായി ഇപ്പോല്‍ അപേക്ഷ ക്ഷണിച്ചിരിക്കുകയാണ്. ജൂലൈ 15 ന് അകം അപേക്ഷ സമര്‍പ്പിക്കേണ്ടതാണ്.

4.25 % പലിശ നിരക്കിലാണ് ഒരു വര്‍ഷത്തെ സോഫ്റ്റ് ലോണ്‍ നല്‍കുക. ആദ്യഘട്ടംവിജയകരമായി പൂര്‍ത്തീകരിക്കുന്നവര്‍ക്ക് പിന്നീട് 50 ലക്ഷം വരെ വായ്പ നല്‍കും. ഈ വര്‍ഷം 30 സ്റ്റാര്‍ട്ടപ്പുകള്‍ക്കാണ് സിഡ് ഫണ്ട് സഹായം നല്‍കുകയെന്ന് എംഡി രാജമാണിക്യം
അറിയിച്ചു. 

ജൂലൈ 15 ആണ് അപേക്ഷകള്‍ സമര്‍പ്പിക്കേണ്ട അവസാന തീയതി. കൂടുതല്‍
വിവരങ്ങള്‍ക്ക് 0484- 2323010 എന്ന നമ്പറില്‍ ബന്ധപ്പെടാവുന്നതാണ്.