തിരുവനന്തപുരം: ഉത്പാദന മേഖലയിൽ ചെറുകിട സംരംഭം തുടങ്ങാൻ പദ്ധതിയുള്ളവർക്ക് മൂന്ന് ലക്ഷം രൂപ വരെ പ്രാരംഭ സഹായമായി സര്‍ക്കാര്‍ നൽകും. ജില്ലാ വ്യവസായ കേന്ദ്രത്തിൻെറ സംരംഭക സഹായ പദ്ധതിക്ക് കീഴിൽ ആണ് സഹായം ലഭിക്കുക. റബ്ബര്‍ അധിഷ്ഠിത വ്യവസായങ്ങൾ, റെഡിമെയ്ഡ് വസ്ത്ര നിര്‍മാണം,ബയോടെക്നോളജി അധിഷ്ഠിത വ്യവസായങ്ങൾ, ബയോ ഡിഗ്രേഡബിൾ പ്ലാസ്റ്റിക് വ്യവസായങ്ങൾ,ബയോ ഫേര്‍ട്ടിലൈര്‍ വ്യവസായങ്ങൾ, കാര്‍ഷിക ഭക്ഷ്യ സംസ്ക്കരണ വ്യവസായങ്ങൾ തുടങ്ങിയവ ചെയ്യാൻ മുന്നോട്ട് വരുന്നവർക്കാണ് മുൻഗണന.

സൂക്ഷ്മ,ചെറുകിട, ഇടത്തരം സംരംഭങ്ങൾക്ക് സഹായം നൽകുക എന്ന ലക്ഷ്യത്തോടെയാണ് സംരംഭക സഹായ പദ്ധതി ആരംഭിച്ചത്. ഉത്പാദന മേഖലയിലുള്ള എല്ലാ എംഎസ്എംഇ സംരംഭങ്ങഘക്കും പദ്ധതി പ്രകാരം സഹായം ലഭിക്കും. 2021 ഏപ്രിൽ ഒന്നു മുതൽ നടത്തിയ നിക്ഷേപങ്ങൾക്ക് വിവിധ ധനസഹായത്തിന് അര്‍ഹതയുണ്ട്.

സംരംഭങ്ങൾ തുടങ്ങുന്നതിനു മുമ്പ് പ്രാരംഭ സഹായത്തിനുള്ള അപേക്ഷ നൽകണം. ബാങ്ക് ടേം ലോൺ ലഭിച്ചതിന് ശേഷം അര്‍ഹമായ ധനസഹായത്തിൻെറ 50 ശതമാനം അല്ലെങ്കിൽ പരമാവധി മൂന്ന് ലക്ഷം രൂപയാണ് പ്രാരംഭ സഹായമായി ലഭിക്കുക. ഭൂമി, കെട്ടിടം, യന്ത്ര സാമഗ്രികൾ, വൈദ്യൂതീകരണം, അത്യാവശ്യ ഓഫീസ് ഉപകരണങ്ങൾ തുടങ്ങിയവ വാങ്ങാനും സഹായം ലഭിക്കും.

സാധാരണ വിഭാഗത്തിൽപ്പെട്ടവര്‍ക്ക് സ്ഥിരമൂലധനത്തിൻെറ 15 ശതമാനം വരെയാണ് സഹായം ലഭിക്കുക. പരമാവധി 20 ലക്ഷം രൂപയാണ് മൊത്തം ലഭിക്കുക.പിന്നോക്ക് വിഭാഗത്തിൽ പെട്ടവര്‍ക്കും വനിതകൾക്കും മൊത്തം 30 ലക്ഷം രൂപ വരെ ലഭിക്കും. എല്ലാ മേഖലകൾക്കും സഹായം ലഭിക്കില്ല. തയ്യൽ യൂണിറ്റുകൾ,തടി മില്ലുകൾ, ആസ്ബസ്റ്റോസ് സംസ്ക്കരണ യൂണിറ്റുകൾ, സിമൻറ് ഉത്പാദിപ്പിക്കുന്ന സംരംഭങ്ങൾ, കശുവണ്ടി ഫാക്ടറികൾ, ഫോട്ടോ സ്റ്റുഡിയോ, കളര്‍ പ്രോസസിംഗ് യൂണിറ്റുകൾ എന്നിവക്കും സഹായം ലഭ്യമല്ല.മെറ്റൽ ക്രഷര്‍ യൂണിറ്റുകൾ ,അയൺ, കാൽസ്യം കാര്‍ബൈഡ് നിര്‍മിക്കുന്ന യൂണിറ്റുകൾ, പവര്‍ ഇൻറൻസീവ് യൂണിറ്റുകൾ എന്നിവക്കും സഹായം ലഭിക്കില്ല.

വനിതകൾക്കും പട്ടിക ജാതി, പട്ടിക വര്‍ഗക്കാര്‍ക്കും ചെറുകിട സംരംഭങ്ങൾ തുടങ്ങാൻ പ്രധാനമന്ത്രി സ്റ്റാൻഡപ് ഇന്ത്യ പദ്ധതിയ്ക്ക് കീഴിൽ 10 ലക്ഷം രൂപ മുൽ ഒരു കോടി രൂപ വരെ സാമ്പത്തിക സഹായം നൽകുന്നു. 2025 വരെ ഈ പദ്ധതി ദീര്‍ഘിപ്പിച്ചിട്ടുണ്ട്. സംരംഭം തുടങ്ങാൻ ആഗ്രഹിക്കുന്ന വനിതകൾക്ക് വിവിധ ബാങ്കുകൾക്ക് കീഴിൽ സ്റ്റാൻഡ് അപ് ഇന്ത്യ ലോണിനായി അപേക്ഷിക്കാം.

നിര്‍മാണ, സേവന മേഖലയിലോ, വ്യാപാര രംഗത്തോ പുതിയതായി തുടങ്ങുന്ന സംരംഭങ്ങൾക്കാണ് ലോൺ ലഭിയ്ക്കുക. ഗ്രീൻഫീൽഡ് സംരംഭങ്ങൾക്കാണ് ലോൺ ലഭിക്കുക. കാര്‍ഷികാധിഷ്ഠിത സംരംഭങ്ങൾക്കും പിന്തുണ ലഭിക്കും. വ്യക്തിഗത സംരംഭങ്ങൾ അല്ലെങ്കിൽ 51 ശതമാനം ഓഹരി പങ്കാളിത്തം ലോൺ എടുക്കുന്ന വനിതയുടെ പേരിലോ, പിന്നോക്ക വിഭാഗത്തിൽപ്പെട്ട സംരംഭകരുടെ പേരിലോ ആയിരിക്കണം എന്നതാണ് പ്രധാന നിബന്ധന.നിര്‍മാണ, സേവന മേഖലകളിലെ സ്ഥാപനങ്ങൾക്ക് ഈടില്ലാതെ വായ്പ ലഭിയ്ക്കും. എല്ലാ ഷെഡ്യൂൾഡ്, കൊമേഴ്സ്യൽ ബാങ്കുകൾക്ക് കീഴിലും വായ്പ ലഭ്യമാണ്. 26,204 കോടി രൂപയാണ് പദ്ധതിക്ക് കീഴിൽ ഇതുവരെ വിതരണം ചെയ്തത്.

300 സ്റ്റാർട്ടപ്പുകൾക്ക് സാമ്പത്തികവും സാങ്കേതികവുമായ സഹായം നൽകും; പ്രഖ്യാപനവുമായി കേന്ദ്ര-ഐ.ടി മന്ത്രാലയം

ന്യൂഡൽഹി∙ അടുത്ത 3 വർഷം രാജ്യത്തെ 300 സ്റ്റാർട്ടപ്പുകൾക്ക് സാമ്പത്തികവും സാങ്കേതികവുമായ സഹായമാ നൽകുമെന്ന് പ്രഖ്യാപിച്ച് കേന്ദ്ര ഐ.ടി മന്ത്രാലയം. ‘സമൃദ്ധ്’ എന്നാണ് അദ്ധതിയുടെ പേര്. പദ്ധതിയ്ക്ക് മാർഗനിർദേശം നൽകുന്ന ആക്സിലറേറ്ററുകളെ ഇതിനായി ഉപയോഗിക്കാൻ 40 ലക്ഷം രൂപ വകയിരുത്തിട്ടുണ്ട്.

അൻപതിലധികം സ്റ്റാർട്ടപ്പുകളെ പിന്തുണയ്ക്കുകയും ഇൻകുബേഷൻ ബിസിനസിൽ 3 വർഷത്തിലധികം പരിചയവുമുള്ള ആക്സിലറേറ്ററുകളെയാണ് പദ്ധതിയിലേക്ക് പരിഗണിക്കുന്നത്. പദ്ധതിയിലേക്ക് വൈകാതെ അപേക്ഷ ക്ഷണിക്കും.കേന്ദ്രമന്ത്രി അശ്വനി വൈഷ്ണവാണ് പദ്ധതി ഉദ്ഘാടനം ചെയ്തത്.

ന്യൂഡൽഹി:രാജ്യത്തെ പുതിയ നിക്ഷേപകരെ ആകര്‍ഷിക്കാനുള്ള തയ്യാറെടുപ്പുകളുടെ ഭാഗമായി എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനും (ഇ.പി.എഫ്.ഓ), ലൈഫ് ഇന്‍ഷുറന്‍സ് കോര്‍പറേഷന്‍ ഓഫ് ഇന്ത്യയും (എൽ.ഐ.സി). സ്റ്റാര്‍ട്ടപ്പുകള്‍ക്ക് ധനസഹായം നല്‍കുന്ന പദ്ധതിയില്‍ ഇരു സ്‌ഥാപനങ്ങളും പങ്കാളിയാകുമെന്നാണ് റിപ്പോർട്ട്.

കേന്ദ്ര വാണിജ്യമന്ത്രി പിയൂഷ് ഗോയലിന്റെ അധ്യക്ഷതയില്‍ ചേര്‍ന്ന നാഷണല്‍ സ്റ്റാര്‍ട്ടപ്പ് ഉപദേശക സമിതിയോഗത്തിലാണ് ഇരു സ്ഥാപനങ്ങളും സ്റ്റാർട്ടപ്പുകളെ സഹായിക്കാനുള്ള താല്‍പര്യം പ്രകടിപ്പിച്ചതെന്നാണ് ദേശീയ മാധ്യമങ്ങൾ റിപ്പോർട്ട് ചെയുന്നത്. കേന്ദ്ര സർക്കാരും സ്റ്റാർട്ടപ്പുകളെ പ്രോത്സാഹിപ്പിക്കാനുള്ള പുതിയ പദ്ധതികൾ ആവിഷ്‌ക്കരിക്കുന്നുണ്ട്.