ആഗ്രഹിക്കാത്തതും നേരം തെറ്റിയുമുള്ള ഗർഭധാരണം ഒഴുവാക്കാനാണ് സാധാരണയായി ഗർഭനിരോധന ഗുളികകൾ കഴിക്കുന്നത്. എന്നാൽ ആഗ്രഹിക്കാത്ത ഗര്ഭധാരണം തടയുന്നതിന് പുറമേ ആര്ത്തവം…
പ്രത്യേകമായ യന്ത്രങ്ങളോ പണചെലവോ ഒന്നും ആവശ്യമില്ലാത്ത ഒരു വ്യായാമ മുറയാണ് നടത്തം. ദിവസവും നടക്കുന്നുണ്ടെങ്കില് പിന്നെ ഒന്നും പേടിക്കാനില്ലെന്ന ഒരു…
വായപയെടുത്തവർക്ക് ആശ്വാസ വാർത്ത. എസ്ബിഐ വായ്പ പലിശ കുറച്ചു. ആർബിഐ റിപ്പോ നിരക്ക് കുറച്ചതിന് പിന്നാലെയാണ് എസ്ബിഐ പലിശ നിരക്ക്…
പ്രൊഫഷണൽ സേവനങ്ങളിലേക്ക് കടന്ന് ഫുഡ് ഡെലിവറി പ്ലാറ്റ്ഫോമായ സ്വിഗ്ഗി. പ്രൊഫഷണൽ സേവനങ്ങൾ ലഭ്യമാക്കാൻ AI- അധിഷ്ഠിത ‘പിങ്’ ആപ്പ് ആരംഭിച്ചു.…
കാലാവസ്ഥ മാറ്റങ്ങൾക്ക് അനുയോജ്യമായ രീതിയിൽ കൃഷി പ്രോത്സാഹിപ്പിക്കുന്ന ‘കേര’ പദ്ധതി ജൂണിൽ ആരംഭിക്കും. കൃഷിവകുപ്പ് ലോകബാങ്കിന്റെ സഹായത്തോടെ ആവിഷ്കരിക്കുന്ന പദ്ധതിക്ക്…
യുഎസ് പ്രസിഡന്റ് ഡൊണാൾഡ് ട്രംപ് ഇലക്ട്രോണിക് ഉപകരണങ്ങൾക്ക് ഉയർന്ന “പരസ്പര” താരിഫുകളിൽ നിന്ന് ഇളവുകൾ പ്രഖ്യാപിച്ചത്തിനു പിന്നാലെ തുടര്ച്ചയായി രണ്ടാമത്തെ…
യുഎസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ച പരസ്പര താരിഫുകളിൽ 90 ദിവസത്തെ താൽക്കാലിക വിരാമത്തിനുള്ളിൽ ഇരു രാജ്യങ്ങൾക്കും സ്വീകാര്യമായ ഒരു…
യുപിഐ സെർവർ വീണ്ടും പണിമുടക്കി. ഒരു മാസത്തിനിടെ ഇത് മൂന്നാം തവണയാണ് യൂണിഫൈഡ് പേയ്മെന്റ് ഇന്റർഫേസ് (യുപിഐ) സെർവറുകൾ പ്രവർത്തനരഹിതമാകുന്നത്.…
Business News
ബെംഗളൂരു∙ ബഹിരാകാശ സാങ്കേതിക വിദ്യ അടിസ്ഥാനമാക്കി ഉൽപന്നങ്ങളും സേവനങ്ങളും വികസിപ്പിക്കുന്ന സ്റ്റാർട്ടപ്പുകൾക്ക് ഇന്ത്യൻ നാഷനൽ സ്പേസ് പ്രമോഷൻ ആൻഡ് ഓതറൈസേഷൻ സെന്റർ (ഇൻ–സ്പേസ്) സീഡ് ഫണ്ടിങ് പദ്ധതി പ്രഖ്യാപിച്ചു. ഇസ്റോയുടെ കീഴിലുള്ള നാഷനൽ റിമോട്ട് സെൻസിങ്…
രണ്ട് പദ്ധതികളിലേക്ക് ഇപ്പോള് അപേക്ഷിക്കാം പ്രാദേശിക പ്രശ്നങ്ങള് പരിഹരിക്കാനും മാലിന്യ സംസ്കരണം നടപ്പാക്കാനും നൂതന ആശയങ്ങള് നിങ്ങള്ക്ക് ഉണ്ടോ? എങ്കില് അത് പ്രാവര്ത്തികമാക്കാനുള്ള അവസരങ്ങള് വിവിധ സര്ക്കാര് വകുപ്പുകള് അവസരം നല്കുന്നു. ഫലപ്രദമായ ആശയങ്ങള് സ്റ്റാര്ട്ടപ്പ്…
ഇടവേളകളില്ലാതെ ഈ ചെറുപ്പക്കാര് നടന്നടുത്തത് പുതിയ വിജയത്തിലേക്ക് മലപ്പുറം അരീക്കോട്ട് നിന്നുള്ള ഒരു സ്റ്റാര്ട്ടപ്പിന് ഇക്കഴിഞ്ഞ കുറച്ചു ദിവസങ്ങളായി അഭിനന്ദന പ്രവാഹമാണ്. ഇന്ത്യയെ പ്രതിനിധീകരിച്ച് ഫിന്ലന്ഡിലെ സ്റ്റാര്ട്ടപ്പ് സംഗമത്തിലെത്തിയ ഇവരെ പ്രകീര്ത്തിച്ച് കേന്ദ്രമന്ത്രി നിര്മല സീതാരാമനും…
എം.എസ്.എം.ഇ സംരംഭകര്ക്ക് ‘ജെമ്മി’ലൂടെ ഉല്പ്പന്നങ്ങള് ഓണ്ലൈനായി വില്ക്കാം എളുപ്പത്തില് ഗവണ്മെന്റ് ഇ-മാര്ക്കറ്റ് (GeM) പ്ലേസിലൂടെ ചെറുകിട ഇടത്തരം സംരംഭകര്ക്കും ഇനി ഉല്പ്പന്നങ്ങള് ഓണ്ലൈനിലൂടെ വില്ക്കാം. ഉദ്യം (Udyam) പോര്ട്ടല് വഴിയാണ് രജിസ്റ്റര് ചെയ്യേണ്ടത്. ചെയ്യേണ്ടതെങ്ങനെയെന്ന് നോക്കാം.…
ബെംഗളൂരു∙ ബഹിരാകാശ സാങ്കേതിക വിദ്യ അടിസ്ഥാനമാക്കി ഉൽപന്നങ്ങളും സേവനങ്ങളും വികസിപ്പിക്കുന്ന സ്റ്റാർട്ടപ്പുകൾക്ക് ഇന്ത്യൻ നാഷനൽ സ്പേസ് പ്രമോഷൻ ആൻഡ് ഓതറൈസേഷൻ സെന്റർ (ഇൻ–സ്പേസ്) സീഡ് ഫണ്ടിങ് പദ്ധതി പ്രഖ്യാപിച്ചു.
ഇസ്റോയുടെ കീഴിലുള്ള നാഷനൽ റിമോട്ട് സെൻസിങ് സെന്ററുമായി (എൻആർഎസ്സി) സഹകരിച്ച്, നഗരവികസന, ദുരന്തനിവാരണ രംഗത്തു പ്രവർത്തിക്കുന്ന സ്ഥാപനങ്ങൾക്കാണ് ഫണ്ട് അനുവദിക്കുന്നത്. സ്റ്റാർട്ടപ്പുകൾ ഈ മാസം 20ന് മുൻപായി അപേക്ഷിക്കണം.
രണ്ട് പദ്ധതികളിലേക്ക് ഇപ്പോള് അപേക്ഷിക്കാം
പ്രാദേശിക പ്രശ്നങ്ങള് പരിഹരിക്കാനും മാലിന്യ സംസ്കരണം നടപ്പാക്കാനും നൂതന ആശയങ്ങള് നിങ്ങള്ക്ക് ഉണ്ടോ? എങ്കില് അത് പ്രാവര്ത്തികമാക്കാനുള്ള അവസരങ്ങള് വിവിധ സര്ക്കാര് വകുപ്പുകള് അവസരം നല്കുന്നു. ഫലപ്രദമായ ആശയങ്ങള് സ്റ്റാര്ട്ടപ്പ് സംരംഭങ്ങളാക്കി മാറ്റാന് ലക്ഷ്യമിട്ട് രണ്ട് പദ്ധതികളാണ് അവതരിപ്പിച്ചിരിക്കുന്നത്.
സീറോ വേസ്റ്റ് ഹാക്കത്തോണ്
കേരള ഡെവലപ്പ്മെന്റ് ഇന്നൊവേഷന് സ്ട്രാറ്റജിക്ക് കൗണ്സില് (കെ-ഡിസ്ക്), കേരള തദ്ദേശ സ്വയം ഭരണ വകുപ്പ്, ശുചിത്വ മിഷന്, ഹരിത കേരള മിഷന്, ക്ളീന് കേരള കമ്പനി, കേരള സോളിഡ് വേസ്റ്റ് മാനേജ്മെന്റ് പ്രോജക്ട്, കേരള സ്റ്റാര്ട്ട് അപ്പ് മിഷന്, കേരള ഇന്സ്റ്റിറ്റ്യൂട്ട് ഓഫ് ലോക്കല് അഡ്മിനിസ് ട്രേഷന് (കില), സെന്റര് ഫോര് മാനേജ്മെന്റ് ഡെവലപ്പ്മെന്റ് (സി.എം.ഡി) എന്നിവര് ചേര്ന്നാണ് സീറോ വേസ്റ്റ് ഹാക്കത്തോണ് സംഘടിപ്പിക്കുന്നത്.
അഞ്ച് വിഭാഗങ്ങളിലാണ് ഹാക്കത്തോണ് സംഘടിപ്പിക്കുന്നത്:
1. മാലിന്യ സംസ്കരണ സാങ്കേതിക വിദ്യകള്-പ്ലാസ്റ്റിക്ക് മാലിന്യ സംസ്കരണം, ഇലക്ട്രോണിക്സ്, അപകടകരമായ മാലിന്യങ്ങള്, മറ്റ് തരത്തിലുള്ള മാലിന്യങ്ങള് എന്നിവ സംസ്കരിക്കാനുള്ള സാങ്കേതിക വിദ്യകള്.
2. മാലിന്യ സംസ്കരണ സംവിധാനങ്ങള്, മാലിന്യ വേര്തിരിക്കല്, മാലിന്യ കൈമാറ്റം എന്നിവയ്ക്കുള്ളസാങ്കേതിക വിദ്യകള്.
3. മാലിന്യ സംസ്കരണം, മാലിന്യ പുനരുപയോഗം, മാലിന്യം കുറയ്ക്കല്, വീണ്ടെടുക്കല് എന്നിവയ്ക്കുള്ള ബിസിനസ് മാതൃകകള്.
4. വിഭവ പുനരുപയോഗം, മാനേജ്മെന്റ്.
5. ഡിജിറ്റല് ഗവേണന്സ് സിസ്റ്റം ഉള്പ്പെടെയുള്ള നിരീക്ഷണത്തിനും ഇടപെടലിനുമായി ഡാറ്റ സൃഷ്ടിക്കല്, റെക്കോര്ഡിംഗ്, ഏകീകരണം, വിശകലനം.
ഈ ഹാക്കത്തോണില് പങ്കെടുക്കാന് അപേക്ഷിക്കേണ്ട അവസാന തിയതി ഡിസംബര് 3 ആണ് . കൂടുതല് വിവരങ്ങള്ക്ക് -https://kdisc.kerala.gov.in/en/zero-waste-hackathon/
വണ് ലോക്കല് വണ് ഐഡിയ (ഒലോയ്)
പ്രാദേശിക പ്രശ്നങ്ങള് പരിഹരിക്കാന് നൂതന ആശയങ്ങള് പ്രോത്സാഹിപ്പിക്കാനായി സംസ്ഥാന സര്ക്കാര് അവതരിപ്പിച്ചിരിക്കുന്നതാണ് വണ് ലോക്കല് വണ് ഐഡിയ (ഒലോയ്) പദ്ധതി. പ്രാദേശിക പ്രശ്ന പരിഹാരത്തിന് നൂതനവും സമര്ത്ഥവുമായ ആശയങ്ങള് ഉള്ളവര്ക്ക് ഈ പദ്ധതിയില് പങ്കുചേരാം. കെ ഡിസ്ക് നേതൃത്വം നല്കുന്ന പദ്ധതിയില് https://oloi.kerala.gov.in/ എന്ന പോര്ട്ടല് വഴി രജിസ്റ്റര് ചെയ്യാം. കൂടുതല് വിവരങ്ങള്ക്ക് -അശ്വതി വിജയന്, കോര്ഡിനേറ്റര് – 9846402280.
ഇടവേളകളില്ലാതെ ഈ ചെറുപ്പക്കാര് നടന്നടുത്തത് പുതിയ വിജയത്തിലേക്ക്
മലപ്പുറം അരീക്കോട്ട് നിന്നുള്ള ഒരു സ്റ്റാര്ട്ടപ്പിന് ഇക്കഴിഞ്ഞ കുറച്ചു ദിവസങ്ങളായി അഭിനന്ദന പ്രവാഹമാണ്. ഇന്ത്യയെ പ്രതിനിധീകരിച്ച് ഫിന്ലന്ഡിലെ സ്റ്റാര്ട്ടപ്പ് സംഗമത്തിലെത്തിയ ഇവരെ പ്രകീര്ത്തിച്ച് കേന്ദ്രമന്ത്രി നിര്മല സീതാരാമനും രംഗത്തെത്തി.
ഫിന്ലന്ഡ് സര്ക്കാരിന് കീഴില് നടന്ന ‘ഗ്ലോബല് എക്സ്പീരിയന്സ് ടാംപെരെ’ ടാലന്റ് ബൂസ്റ്റ് സംഗമം അവിടുത്തെ സ്റ്റാര്ട്ടപ്പുകള്ക്ക് പ്രചോദനമേകുന്ന പരിപാടിയാണ്. അതിന് ലോകമെമ്പാടു നിന്നും തിരഞ്ഞെടുത്ത സ്റ്റാര്ട്ടപ്പുകളെ അണി നിരത്തിയപ്പോള് ഇന്ത്യയില് നിന്ന് ‘ഇന്റര്വെല്’ ടീം മാത്രം. 2024 ജൂലൈയില് ഫിന്ലന്ഡിനായി അവര് സ്കൂൾ കരിക്കുലം തയ്യാറാക്കി തുടങ്ങും. മലപ്പുറം അരീക്കോട് നിന്നും ഫിന്ലാന്ഡിലെത്തിയ ആ അഞ്ച് മിടുക്കന്മാര് ഇവിടെയുണ്ട്.
പരാജയത്തിന്റെ കയ്പും സൗഹൃദത്തിന്റെ മധുരവും
അടുത്തടുത്ത വര്ഷങ്ങളില് ബിരുദ പഠനം പൂര്ത്തിയാക്കിയ സനഫീര് എന്ന ചെറുപ്പക്കാരനും കൂട്ടുകാരായ റമീസ് അലി, ഷിബിലി അമീന്, അസ്ലഹ്, നാജിം ഇല്യാസ് എന്നിവര് ചേര്ന്ന് 2018ല് ആരംഭിച്ച സംരംഭം കുട്ടികള്ക്ക് ട്യൂഷന് നല്കുന്ന സാധാരണ ഓഫ്ലൈന് സംവിധാനം മാത്രമായിരുന്നു. ആദ്യാക്ഷരങ്ങള് പഠിക്കുന്ന കുട്ടികള് മുതലുള്ള സ്കൂള് വിദ്യാര്ത്ഥികള്ക്കുള്ള ട്യൂഷന്, ഇതായിരുന്നു ലക്ഷ്യം. എന്നാല് കുട്ടികള് കുറവായതിനാല് കഴിയാത്ത സ്ഥിതിയിലേക്കാണ് കാര്യങ്ങള് നീങ്ങിയത്.
ട്യൂഷനു ചേര്ന്ന കുട്ടികളുടെ പഠന നിലവാരം മെച്ചപ്പെടുന്നുണ്ടെന്ന മാതാപിതാക്കളുടെ വാക്കുകള് ഇവര്ക്ക് ആശ്വാസം പകര്ന്നു. ഇതോടെ രാമനാട്ടുകരയിലും മഞ്ചേരിയിലും കൂടി ട്യൂഷന് സെന്ററുകള് സ്ഥാപിച്ച് സംരംഭം വിപുലമാക്കാന് ഇവര് തീരുമാനിച്ചു. എന്നാല് കോവിഡ് വന്നപ്പോള് ഇതും പ്രതിസന്ധിയിലായി. 13 ലക്ഷം രൂപ കടവും സംരംഭമെന്ന സ്വപ്നവും മാത്രം ബാക്കി. എന്നാൽ ചങ്കായി നിന്ന കൂട്ടുകാർ തളർന്നില്ല.
മെല്ലെ വിജയത്തിലേക്ക്
വാടക പോലും നല്കാനില്ലാതെ കഷ്ടപ്പെട്ട ഇന്റര്വെല് ടീം മെല്ലെ ലോകമെമ്പാടുമുള്ള കുടുംബങ്ങളിലേക്ക് വ്യാപിക്കാന് തുടങ്ങി. ഈ ട്യൂഷന് ആപ്പിന് ഇന്ന് 30 രാജ്യങ്ങളില് പ്രാതിനിധ്യമുണ്ട്. 30,000 ചതുരശ്ര അടി കെട്ടിടത്തില് 234 മുഴുവന് സമയ അധ്യാപകര് ഇന്റര്വെല്ലിനായി പ്രവര്ത്തിക്കുന്നു.
പാര്ട്ട്ടൈം അധ്യാപകരും ഫുള്ടൈം അധ്യാപകരും ചേര്ന്ന് ടീമില് 4,400 പേരുണ്ട്. രാവിലെ 5.30 മുതല് രാത്രി 11.30 വരെയുള്ള ക്ലാസ്സുകളില് വിദ്യാര്ത്ഥികള്ക്ക് അനുയോജ്യമായ പഠന സമയം കണ്ടെത്താം. ഓരോ കുട്ടിക്കും സംശയ നിവാരണത്തിനും പഠനത്തിനും വീട്ടിലെത്തുന്ന ടീച്ചറെ പോലെ ഇന്റര്വെല്ലിന്റെ അധ്യാപകര് ഓണ്ലൈനിലെത്തുന്നു.
പല വമ്പന്മാരും നിറഞ്ഞ മത്സര വേദിയില് വ്യത്യസ്തതയും വിശ്വാസ്യതയും നിലനിര്ത്താന് കഴിയുന്നത് കൊണ്ടാണ് ഇന്റര്വെല് ടീം അടുത്ത തലത്തിലേക്ക് കടക്കുന്നതെന്ന് സനാഫീര് പറയുന്നു. ജി.സി.സി രാജ്യങ്ങളില് ശക്തമായ സാന്നിധ്യമുള്ള പഠന പ്ലാറ്റ്ഫോമിന്റെ ആപ്പ് ട്രയല് റണ് നടത്തിവരികയാണ്. ഉടന് തന്നെ ലഭ്യമാക്കുമെന്നും സനാഫീര് പറയുന്നു. ”വിജയം പെട്ടെന്നുണ്ടായതല്ല, അതിനാല് തന്നെ പതിയെ പഠിച്ച് മുന്നേറുന്നതില് വിശ്വസിക്കുന്നു, അതാണ് ഇന്റര്വെല്ലിന്റെ പോളിസിയും” ഈ കൂട്ടുകാര് ഒരേ സ്വരത്തില് പറയുന്നു.
എം.എസ്.എം.ഇ സംരംഭകര്ക്ക് ‘ജെമ്മി’ലൂടെ ഉല്പ്പന്നങ്ങള് ഓണ്ലൈനായി വില്ക്കാം എളുപ്പത്തില്
ഗവണ്മെന്റ് ഇ-മാര്ക്കറ്റ് (GeM) പ്ലേസിലൂടെ ചെറുകിട ഇടത്തരം സംരംഭകര്ക്കും ഇനി ഉല്പ്പന്നങ്ങള് ഓണ്ലൈനിലൂടെ വില്ക്കാം. ഉദ്യം (Udyam) പോര്ട്ടല് വഴിയാണ് രജിസ്റ്റര് ചെയ്യേണ്ടത്. ചെയ്യേണ്ടതെങ്ങനെയെന്ന് നോക്കാം.
- udyamregistration.gov.in എന്ന വെബ്സൈറ്റ് ലോഗിന് ചെയ്യുക.
- പുതുതായി ചെയ്യുന്ന സംരംഭകര് ‘For New Entrepreneurs who are not registered yet as MSME or those with EM-II’ എന്ന വിഭാഗം ക്ലിക്ക് ചെയ്യുക.
- ഉദ്യം പോര്ട്ടലില് രജിസ്റ്റര് ചെയ്ത സംരംഭമെങ്കില് ‘For those already having registration as UAM’എന്നത് ക്ലിക്ക് ചെയ്യുക.
- ആധാര് നമ്പര്, ആധാറിലുള്ള പേര് എന്നിവ നല്കുക.
- ഒ.ടി.പി ക്ലിക്ക് ചെയ്യുക.
- ആധാറുമായി ബന്ധപ്പെടുത്തിയ നമ്പര് നല്കി ഒ.ടി.പി സ്വീകരിക്കുക.
- പ്രൊപ്രൈറ്റര്ഷിപ്പ് ആയി രജിസ്റ്റര് ചെയ്യാന് പ്രൊപ്രൈറ്ററുടെ ആധാര് ഉപയോഗിക്കുക.
- പാര്ട്ണര്ഷിപ്പ് ആണെങ്കില് മാനേജിംഗ് പാര്ട്ണറുടെ ആധാര് നല്കുക.
- ഹിന്ദു അഭിവക്ത കുടുംബം (HUF) എങ്കില് അധികാരിയുടെ ആധാര് നല്കുക.
- എല്.എല്.പി (Limited Liability Partnership) സംരംഭമോ കോ-ഓപ്പറേറ്റീവ് സൊസൈറ്റിയോ എങ്കില് അധികാരി അഥവാ ഓതറൈസ്ഡ് സിഗ്നേറ്ററി ജി.എസ്.ടി നമ്പര് (Goods and Service Tax Identification Number), പാന്(PAN), ആധാര് (Aadhaar) നമ്പറുകള് നല്കണം.
- ഒ.ടി.പി ക്ലിക്ക് ചെയ്ത് വാലിഡേറ്റ് ചെയ്യുക. വാലിഡേഷന് കഴിയുമ്പോള് ‘type of Organisation’ എന്നത് എന്നത് ക്ലിക്ക് ചെയ്ത് അതില് നിന്നും നിങ്ങളുടെ സംരംഭം ഏത് തരത്തിലുള്ളതെന്ന് നല്കുക.
- പാന് വേരിഫൈ ചെയ്യുക.
- Continue എന്നതില് ക്ലിക്ക് ചെയ്യുക.
- ഇപ്പോള് 27 തരത്തിലുള്ള പോയിന്റുകള് അടങ്ങുന്ന പേജിലേക്ക് എത്തും. ഇതില് 22-ാമത്തേത് തിരഞ്ഞെടുക്കുക.’Are you interested in getting registered on Government e-Market(GeM) Portal’? എന്നതില് Yes എന്ന് എന്ന് നല്കുക.
നിങ്ങളുടെ മൊബൈല് നമ്പറിലേക്ക് രജിസ്റ്റര് ആയ മെസേജ് എത്തും.
- പിന്നീട് ലഭിക്കുന്ന ക്യു.ആര് കോഡ് സ്കാന് ചെയ്ത് അതില് നിന്നും സര്ട്ടിഫിക്കറ്റ് പ്രിന്റ് എടുക്കാനും മൊബൈലിലോ ലാപ്ടോപ്പിലോ സൂക്ഷിക്കാനും കഴിയും.
- രജിസ്റ്റര്ചെയ്തു കഴിഞ്ഞാല് ഒ.ടി.പി നല്കി GeM വെബ്സൈറ്റില് കയറി വില്ക്കാനുള്ള സാധനങ്ങള് ലിസ്റ്റ് ചെയ്യാം.
നിര്ദ്ദിഷ്ട ഉല്പ്പന്ന വിഭാഗങ്ങള്ക്ക് കീഴില് നിങ്ങളുടെ ഉല്പ്പന്നങ്ങള് ലിസ്റ്റ് ചെയ്യുക. ലിസ്റ്റ് ചെയ്യാന് ഈ ലിങ്കില് ക്ലിക്ക് ചെയ്യാം. https://gem-portal.org/gem-services/product-listing
ലിസ്റ്റ് ചെയ്യാന് ഉല്പ്പന്നത്തിന്റെ വിവരങ്ങള്, തെളിമയുള്ള ചിത്രം എന്നിവയാണ് ആവശ്യം.ലിസ്റ്റ് ചെയ്ത് കഴിഞ്ഞ് വേരിഫിക്കേഷന് കഴിഞ്ഞാല് GeM പോര്ട്ടലില് ഉല്പ്പന്നങ്ങള് എത്തും.
