ചരിത്രത്തിലാദ്യമായി രാജ്യത്തെ ഡീസൽ കാർ വിൽപനയെ പിന്തള്ളി സിഎൻജി കാറുകൾ. കഴിഞ്ഞ സാമ്പത്തിക വർഷത്തിൽ രാജ്യത്തുടനീളം 787,724 സിഎൻജി കാറുകളാണ് വിറ്റത്. ഡീസൽ കാറുകളിൽ 736,508 എണ്ണം മാത്രമാണ് വിറ്റഴിഞ്ഞത്. പാസഞ്ചർ വാഹന വിപണിയിൽ സിഎൻജി വാഹനങ്ങളുടെ സാന്നിധ്യം 2023 ൽ 12 ശതമാനമായിരുന്നു.കഴിഞ്ഞ വർഷം അത് 15 ശതമാനമെത്തി. ഇപ്പോൾ 20% ആയി ഉയർന്നു.
2019 ൽ ഏകദേശം സി എൻ ജി ഫില്ലിംഗ് സ്റ്റേഷനുകളുടെ എണ്ണം 1900 ആയിരുന്നു. 2030 ഓടെ രാജ്യത്തുടനീളം 17,700 ഫില്ലിംഗ് സ്റ്റേഷനുകൾ സ്ഥാപിക്കാനാണ് പദ്ധതി.
ഇന്ധന വിലയിലെ വർധന, ഉയർന്ന സർവീസിംഗ് ചാർജ്, നികുതികൾ എന്നിവ ഡീസൽ കാറുകളുടെ വിൽപന കുറയാൻ കാരണമായി. ചെലവ് കുറഞ്ഞതും ഉപയോഗക്ഷമത കൂടിയതുമായ ഇന്ധനങ്ങളിലേക്കുള്ള ആളുകളുടെ മാറ്റം സിഎൻജി കാറുകളിലേക്ക് അവരെ ആകർഷിക്കുന്നു.
കംപ്രസ്ഡ് നാച്ചുറൽ ഗ്യാസ് (CNG) ഹൈഡ്രോകാർബണുകളും മീഥെയ്നും ചേർന്ന മിശ്രിതമാണ്.
ലെഡും സൾഫറും ഇല്ലാത്തതിനാൽ ഇതിനെ ഹരിത ഇന്ധനം എന്നും വിളിക്കുന്നു. സിഎൻജിയിൽ ലെഡ് അല്ലെങ്കിൽ ബെൻസീൻ ഇല്ലാത്തതിനാൽ, ലെഡ് അല്ലെങ്കിൽ ബെൻസീൻ മലിനീകരണം ഇല്ലാതാക്കുന്നു,
